СҮХБААТАР АЙМАГ ДАХЬ СУМ ДУНДЫН ЭРҮҮГИЙН ХЭРГИЙН АНХАН ШАТНЫ ШҮҮХИЙН 2017 ОНЫ ХАГАС ЖИЛИЙН ШҮҮН ТАСЛАХ АЖИЛЛАГААНЫ ТАЙЛАН

Сүхбаатар аймаг дахь Сум дундын Эрүүгийн хэргийн анхан шатны шүүх нь хагас жилд нийт 79 хүнд холбогдох 62 эрүүгийн хэрэг хүлээн авч, 2 хүнд холбогдох 2 хэргийг нэмэлт мөрдөн байцаалт, хэрэг бүртгэл хийлгэхээр прокурорт буцаан, 43 эрүүгийн хэргийг хянан шийдвэрлэжээ. Мөн 50 хүнд ял шийтгэл оногдуулсан бөгөөд 18 хүнд холбогдох 17 хэргийн үлдэгдэлтэй байна. Дээрх дүн мэдээг өмнөх оны эхний хагас жилийн байдалтай харьцуулвал:

Шийдвэрлэсэн гэмт хэргийн төрөл: Анхан шатны шүүхээр хянан шийдвэрлэсэн нийт хэргээс бусдын бие махбодид хүнд гэмтэл санаатай учруулах гэмт хэрэг 1 хэргээр буюу 100 хувиар өссөн бол танхайрах гэмт хэрэг 5 хэргээр буюу 55.5 хувиар, бусдын эд хөрөнгийг хулгайлах гэмт хэрэг 2 хэргээр буюу 18.1 хувиар буурчээ.

Мөн 2016 оны хагас жилээр хүчиндэх гэмт хэрэг 2-ийг шийдвэрлэж байсан бол, 2017 оны хагас жилийн байдлаар шийдвэрлэгдээгүй, бусдын бие махбодид хүнд гэмтэл санаатай учруулах гэмт хэрэг өмнөх оны хагас жилийн байдлаар шийдвэрлэгдээгүй байсан бол энэ онд тухайн төрлийн 1 хэрэг шийдвэрлэсэн нь доорх хүснэгтээс харагдаж байна.

Ял шийтгүүлэгчид: Ял шийтгүүлсэн нийт 50 хүнийг зарим бүлгээр авч үзвэл 4 буюу 8 хувь нь эмэгтэй, 2 буюу 4 хувь нь насанд хүрээгүй этгээд, 20 хувь буюу 10 хүн урьд нь ял шийтгүүлж байсан, 28 хувь буюу 14 хүн согтуугаар гэмт хэрэг үйлдсэн, 6 хувь буюу 3 хүн гэмт хэрэг давтан үйлдсэн, 4 хувь буюу 2 хүн гэмт хэрэг бүлэглэн үйлдэж ял шийтгүүлжээ.

Ял шийтгүүлэгчдээс гэмт хэрэг давтан үйлдэж ял шийтгүүлсэн хүний тоо 6 хүн буюу 66.6 хувиар, гэмт хэрэг бүлэглэж үйлдсэн хүн 7 хүнээр буюу 77.7 хувиар, эмэгтэй 1 хүн буюу 20 хувиар буурсан. Харин согтуугаар үйлдсэн 2 хүн буюу 16.6 хувиар, насанд хүрээгүй 1 хүнээр буюу 100 хувиар тус тус өсчээ.

Оногдуулсан ялын төрөл: Анхан шатны шүүхээр 2017 оны хагас жилд тîäîðõîé àëáàí òóøààë ýðõëýõ, ¿éë àæèëëàãàà ÿâóóëàõ ýðõèéã õàñàõ ялаар 4, албадан ажил хийлгэх ялаар 2, баривчлах ялаар 3, хорих ялаар 44 хүн шийтгүүлсэн байна. Хорих ял шийтгүүлсэн хүмүүсээс биечлэн эдлүүлсэн 7, тэнссэн 35 хүн байх бөгөөд 1 хүний шийтгэх тогтоолыг хойшлуулж, 1 хүн өршөөлд хамрагдсан байна.

Ял шийтгүүлэгчдийн насны бүлэг: Ял шийтгүүлэгчдийг насны бүлгээр авч үзвэл 14-15 насны ял шийтгүүлэгчдийн тоо 0, 16-17 насны ял шийтгүүлэгчдийн тоо 2, 18-29 насны ял шийтгүүлэгчдийн тоо 22, 30-34 насны ял шийтгүүлэгчид 13, 35-аас дээш насны ял шийтгүүлэгчдийн тоо 13 бөгөөд үүнээс 55-аас дээш насны эмэгтэй, 60-аас дээш насны эрэгтэй ял шийтгүүлсэн хүн байхгүй. Ял шийтгүүлэгчдийн дотор 18-29 насны ял шийтгүүлэгчид 22 байгаа нь нийт ял шийтгүүлэгчдийн 44 хувийг, 30-34 насны ял шийтгүүлэгчид 13 байгаа нь нийт ял шийтгүүлэгчдийн 26 хувийг, 35-аас дээш насны ял шийтгүүлэгчид 13 байгаа нь нийт ял шийтгүүлэгчдийн 26 хувийг эзлэж, өмнөх оны мөн үетэй харьцуулахад дийлэнх хэсгийг эзэлсэн хэвээр байна. Энэ нь насны онцлогт тохирсон гэмт хэргээс урьдчилсан сэргийлэх арга хэмжээг нэгдсэн байдлаар авч анхаарах шаардлагатайг харуулж байна.

Ял шийтгүүлэгчдийг эрхэлж байсан ажил, сургуулиар нь авч үзвэл: Төрийн захиргааны албан хаагч 1 хүн буюу 2 хувь , төрийн бус байгууллага, аж ахуй нэгжийн албан тушаалтан 1 хүн буюу 2 хувь, малчин 16 хүн буюу 32 хувь, бусад 2 хүн буюу 4 хувь, эрхэлсэн тодорхой ажил, сургуульгүй 30 хүн буюу 60 хувь байна.

Гэмт хэргийн улмаас учирсан хохирол:Гэмт хэргийн улмаас нас барсан 8 хүн, 5 хүн хүндэвтэр, 8 хүн хөнгөн гэмтсэн бөгөөд өнгөрсөн оны хагас жилийн байдалтай харьцуулбал хүндэвтэр гэмтэл авсан хүний тоо 4 буюу 400 хувиар, хөнгөн гэмтэл авсан хүний тоо 14.2 хувиар өсч, амь нас хохирсон 2 буюу 20 хувиар, хүнд гэмтэл авсан хүний тоо 1 буюу 100 хувиар буурчээ.

Шүүхээр шийдвэрлэсэн гэмт хэргийн улмаас учирсан хохирлын хэмжээ 2 тэрбум 688 сая 500 мянга 068 төгрөг байна. Үүнээс улсад 1 тэрбум 010 сая 782 мянга 052 төгрөг, иргэдэд учирсан хохирол 1 тэрбум 677 сая 718 мянга 016 төгрөг байна. Гэмт хэргийн улмаас учирсан хохирлын нийт хэмжээг өнгөрсөн оны мөн үетэй харьцуулбал 2 тэрбум 573 сая 243 мянга 537 төгрөгөөр өссөн байна.

Эрүүгийн байцаан шийтгэх хуулийн 58, 59 дүгээр зүйлд заасан үндэслэлээр 2017 оны хагас жилд 13 сэжигтэн, яллагдагчийг баривчлах зөвшөөрөл олгож, 9 сэжигтэнд баривчлах зөвшөөрөл олгохоос татгалзжээ.

Цагдан хорих зөвшөөрлийн 11 нь \"оргон зайлж болзошгүй”, 1 нь \"оргон зайлсан”, 1 нь \"онц хүнд гэмт хэрэг үйлдсэн” зэрэг үндэслэлээр тус тус олгожээ.

Эрүүгийн хуулийн ерөнхий ангийн 74, 75 дугаар зүйл, Эрүүгийн байцаан шийтгэх хуулийн 333, 334 дүгээр зүйлд заасны дагуу эрх бүхий байгууллагаас тодорхойлолт, дүгнэлт гарган ирүүлсэн 1 хүний материалыг хянан хэлэлцсэнээс хорих ял эдлэхээс хугацааны өмнө тэнсэн суллажээ.

Захиргааны зөрчлийг хянан шийдвэрлэсэн байдал

Сүхбаатар аймаг дахь Сум дундын Эрүүгийн хэргийн анхан шатны шүүхэд 2017 оны хагас жилийн байдлаар 64 захиргааны зөрчил хүлээн авснаас 48 зөрчилд захиргааны хариуцлага ногдуулж, 8 материалыг татгалзаж буцаасан байна. Тайлангийн хугацаанд 8 зөрчлийн үлдэгдэлтэй байна.

Өнгөрсөн оны мөн үетэй харьцуулбал шүүхэд хүлээн авсан захиргааны зөрчлийн тоо

93.9 хувиар өссөн байна. Тайлант хугацаанд Сүхбаатар аймаг дахь Сум дундын Эрүүгийн хэргийн анхан шатны шүүх нь нийт шийдвэрлэсэн хэргийн тоо 43, шүүгчийн тоо 3, нэг шүүгчид 14,3 хэрэг ногджээ. Харин захиргааны зөрчлийн хувьд 1 шүүгчид 18,6 материалыг хүлээн авч шийдвэрлэжээ.