Хамтарсан зөвлөгөөн зохион байгууллаа

Сүхбаатар аймаг дахь Захиргааны хэргийн анхан шатны шүүхийн 2018 оны 4 дүгээр улирлын төлөвлөгөөнд тусгагдсан ажлын хүрээнд аймгийн Шүүхийн шийдвэр гүйцэтгэх хэлтсийн шийдвэр гүйцэтгэгч нартай 2018 оны 12 дугаар сарын 13-ны өдөр хамтарсан зөвлөгөөнийг зохион байгууллаа. 

Хамтарсан зөвлөгөөнөөр тус шүүхээс 2017, 2018 онд бичигдсэн гүйцэтгэх хуудасны бичилт, шүүхийн шийдвэрийн биелэлтийн байдал, захиргааны хэргийн шүүхийн шийдвэрийг гүйцэтгэх ажиллагаанд гарч буй хүндрэл бэрхшээл, тулгамдаж буй асуудлыг хэлэлцсэн юм.

Шүүхийн шийдвэр гүйцэтгэх хэлтсээс 2017-2018 онд шүүхээс бичигдсэн гүйцэтгэх баримт бичгийн 27 буюу 93.1 хувь нь биелсэн, 2 буюу 6.9 хувь нь биелэгдээгүй байгаа мэдээллийг хийж, цаашид хамтран ажиллахад анхаарах асуудлыг хэлэлцэн санал бодлоо солилцлоо.