\"Буудлага\" спортын аймгийн аварга багаар тодорлоо

Буудлага спортын насанд хүрэгчдийн аймгийн аварга шалгаруулах тэмцээн 2019 оны 02 сарын 16-ний өдөр Баруун-Урт суманд зохион байгуулагдлаа. 
Тэмцээнд 30 багийн 60 гаруй тамирчид цэц мэргэнээ сорин өрсөлдсөнөөс Сүхбаатар аймаг дахь Сум дундын эрүүгийн хэргийн анхан шатны шүүхийн шүүгчийн туслах Б.Цолмон, Сүхбаатар аймаг дахь Захиргааны хэргийн анхан шатны шүүхийн шүүгчийн туслах С.Наранбаатар нар ганцаарчилсан төрөл тус бүрд тэргүүн байр эзэлж аваргын алтан медаль, мөн багийн дүнгээр Ц.Ганхуяг ахлагчтай шүүхийн баг тамирчид тэргүүн байр эзэллээ.