Сургалт зохион байгууллаа

Тус шүүхийн дотоод сургалтын төлөвлөгөөнд тусгагдсаны дагуу Сүхбаатар аймгийн Эрүү, Иргэний хэргийн давж заалдах шатны шүүхийн шүүгч С.Оюунтунгалаг 2020 оны 01 сарын 17-ны өдөр \"Хүний амьд явах эрхийн эсрэг гэмт хэрэг” сэдвээр шүүгч, захиргааны ажилчдад сургалт зохион байгуулав. 
Энэ сургалтыг шүүгч, захиргааны ажилтнуудын мэдлэг, ур чадварыг дээшлүүлэх зорилгоор хууль Эрүүгийн хуулийн тусгай ангид заасан Хүний амьд явах эрхийн эсрэг гэмт хэргийн үндсэн ойлголт, ойролцоо төрлийн гэмт хэргээс ялгагдах онцлог, тэдгээрт оногдуулах ял шийтгэлийн талаар лекц унших, харилцан ярилцах, тодорхой тохиолдол дээр ажиллах зэрэг арга, хэлбэрээр зохион байгуулж, шүүгч ажилчид идэвхитэй хамрагдлаа.