2015 оны 06 дугаар сарын 22-ны өдрийн байдлаар тухайн шүүх нь тайлангийн үеийн үлдэгдэл 3 хэрэг, тайлангийн дараа хүлээн авсан 11 нэхэмжлэл, хэрэг байна. Нэхэмжлэлийг хуульд заасан үндэслэлээр хүлээн авахаас татгалзсан болон буцаасан 2 хэрэг, Захиргааны хэрэг хянан шийдвэрлэх тухай хуулийн 70 дугаар зүйлээр шийдвэрлэгдсэн 9 хэргийг шүүх хуралдаанаар хянан шийдвэрлэж, одоогоор 3 хэргийн үлдэгдэлтэй байна. Үүнээс үзэхэд маргааны төрлийн хувьд: сонгуулийн маргаан, төрийн хяналт шалгалттай холбогдох бусад маргаан, төрийн албаны маргаантай хэрэг, Захиргааны байгууллага, албан тушаалтнаар нь авч үзвэл: аймаг, нийслэл, сум дүүрэг, баг хорооны засаг даргатай холбогдсон маргаан мөн улсын хяналт, шалгалтын болон захиргааны хяналтын байгууллага, тэдгээрийг хянан шалгагч байцаагчид холбогдсон хэрэг, Эрх зүйн төрлөөр нь авч үзвэл: Төрийн албаны тухай хуулиар, Төрийн хяналт, шалгалтын тухай хуулиар, Монгол улсын засаг, захиргаа, нутаг дэвсгэрийн нэгж, түүний удирдлагын тухай хуулиар, Татварын маргаантай холбоотой бусад хуулиудаар зонхилон шийдвэрлэгдсэн байна.