Нээлттэй шүүх өдөрлөг

Сүхбаатар аймаг дахь Шүүхийн Тамгын газраас шүүхийн үйл ажиллагааг сурталчлах "Нээлттэй өдөрлөг”-ийг Сүхбаатар аймгийн Шүүхийн тамгын газрын байранд 2024 оны 03 дугаар сарын 19-ний өдөр Сүхбаатар аймаг дахь Ерөнхий боловсролын 3 дугаар бүрэн дунд сургуулийн ахлах ангийн сурагчдыг оролцуулан зохион байгууллаа.

Уг өдөрлөгийн арга хэмжээг Сүхбаатар аймаг дахь Шүүхийн Тамгын газрын үйлчилгээний хэлтсийн дарга Н.Батзориг, эвлэрүүлэн зуучлагч Д.Эрдэнэцэцэг, мэдээлэл лавлагааны мэргэжилтэн Б.Сугарсүрэн нар зохион байгуулсан бөгөөд шүүхийн бүтэц, зохион байгуулалт, үйл ажиллагааны талаар мэдээлэл өгч, сурагчдыг шүүхийн байртай танилцуулсан ба шүүхийн үйл ажиллагааны талаар санал асуулга авч ажиллаа.

Сурагчид шүүхийн үйл ажиллагаа, шүүн таслах ажиллагааны талаарх ойлголт мэдлэгээ нэмэгдүүлж, шүүхийн үйл ажиллагаатай биечлэн ирж танилцсандаа баяртай байгаагаа илэрхийлж байв.