Сүхбаатар аймаг дахь Захиргааны хэргийн анхан шатны шүүх, шүүхийн Тамгын газар, Залуучуудын зөвлөлөөс санаачлан Сүхбаатар аймгийн хуулийн байгууллагуудын залуучуудын хамтын ажиллагааг өргөжүүлэн хөгжүүлэх, залуусыг байгаль, эх дэлхий, хүрээлэн байгаа орчноо хайрлан хамгаалахад зөв чиг хандалгад сургах, иргэдэд үлгэр дууриал болгох, тэднийг уриалан дуудахад чиглүүлэх зорилгоор 2015 оны 09 дүгээр сарын 19-ны өдөр аймгийн тахилгат \"Шаргын уул\"-нд орон нутгийн BBS телевизийн \"Бүтээлч нэг өдөр”  нэвтрүүлэгт амжилттай оролцлоо. Уг арга хэмжээнд Шүүх, Аймгийн Прокурорын газар, Цагдаагийн газар, Шүүх шинжилгээний алба, Тахарын алба, Шүүхийн шийдвэр гүйцэтгэх байгууллагуудын 70 гаруй ажилтан, албан хаагчид хамрагдав.

 

Нэвтрүүлгийн зорилгын хүрээнд \"Шаргын уул” орчмын хог хаягдлыг цэвэрлэж, тахилгат уулаа зорин очсон иргэдийг Монгол улсын Үндсэн хуульд заасан үүргээ биелүүлж байгаль эх дэлхийгээ хайрлая гэсэн санамж бүхий самбар, хогийн сав байрлуулав. Мөн хуулийн байгууллагуудын ажилтан албан хаагчдын дунд хөгжөөнт тэмцээн уралдаан зохион байгуулж амралтын нэг өдрийг бүтээлчээр өнгөрүүллээ.